Екатеринбургда қулликка тушган муҳожирлар озод қилинди
Екатеринбургга ишлаш учун келган бир неча Қозоғистон фуқаролари иш берувчилар томонидан қулдек експлуататсия қилинганликларидан шикоят қилишди. Мигрантларнинг сўзларига кўра, меҳнат шароитлари дахшатли бўлган: уларнинг паспортлари олиб қўйилган, ҳафтасига олти кун 12 соатдан ишлатилган ва ҳатто ҳожатхонага боришга ҳам рухсат берилмаган. Уч нафар ишчи биринчи куннинг ўзидаёқ пулларсиз ва ҳужжатсиз кўчада қолиб, политсияга мурожаат қилган ва қочиб кетган.
Бу воқеа ҳақида Колсово қишлоғидан бўлган жамоатчи Сергей Шунеев ўзининг ижтимоий тармоқларида маълум қилди:
"Соат 22:00 атрофида «Дети Улитси» ташкилотининг дам олиш марказига ёрдам сўраб икки еркак ва бир аёл (35, 50, 44 ёшли Қозоғистон фуқаролари) мурожаат қилди. Улар 23-август куни Екатеринбургга ишлаш учун автобусда келишган. Автобус ҳар хил миллат вакиллари — Қозоғистон, Тожикистон, Ўзбекистон фуқаролари билан тўла бўлган.
Ҳаммадан ҳужжатларини олиб қўйишган ва шартномаларга қўл қўйдиришган. Улар балиқ омборида ишлашган, лекин манзилини билишмайди, чунки уларни микроавтобусларда ташишган. Фақат бир кун ишлашган. Уларнинг айтишича, шароитлар дахшатли бўлган: махсус иш кийими берилмаган, нима кийиб келган бўлсангиз, шунда ишланг дейишган. Ҳожатхонага бориш тақиқланган, ичишга сув берилмаган, овқат еса жуда кам ва ёмон бўлган.
Одамлар шароитлардан норози еканликларини айта бошлагач, хавфсизлик хизмати ва администратор уларнинг устидан кулиб: ъКетаверишингиз мумкин, лекин ҳужжатларни олиш учун 25 минг рубл тўлашингиз ёки 9 сменани бепул ишлаб беришингиз керакъ, дейишган. Учаласининг чўнтагида жами 2000 рубл пул бор еди. Марказда уларни овқатлантирдик, чой бердик. Соат 22:37 бўлди, нима қилишни ўйлаб ўтирибмиз. Яшаш жойига пуллари етмайди, вокзалда ухлашга еса қўрқишади. Вазият жуда қўрқинчли", — деб ёзади Сергей Шунеев.
