Россия қурилиш секторида ўзбекистонлик ишчиларга талаб ошмоқда
Россия Миллий қурилиш бирлашмаси (НОСТРОЙ) президенти Антон Глушковнинг маълум қилишича, мамлакат қурилиш соҳасида фаолият юритаётган хорижлик ишчилар сони сўнгги бир йил ичида қарийб 20 минг нафарга ёки 5 фоизга ошган.
Статистик маълумотларга кўра, Россия қурилиш майдонларида меҳнат қилаётган хорижий фуқаролар орасида ўзбекистонликлар биринчи ўринни егаллаб турибди. Улардан кейинги ўринларда тожикистонлик ишчилар қайд етилган.
Шунингдек, соҳада янги тенденсиялар кузатилмоқда. Хусусан, қурилиш компаниялари томонидан ҳиндистонлик ишчиларни жалб қилиш кўлами кенгайган ва улар ҳозирда енг кўп хорижлик ишчи кучи келтираётган давлатлар бешлигига кирган.
Ушбу маълумотлар Россия қурилиш бозорида меҳнат ресурсларига бўлган еҳтиёж юқори еканлигини ва ўзбекистонлик мутахассисларнинг ушбу соҳадаги ўрни муҳимлигича қолаётганини кўрсатади.
