Россияга ишлаш учун келаётган КХДР фуқаролари таркибида ўзгаришлар кузатилмоқда
Россия оммавий ахборот воситаларида тарқалган хабарларга кўра, Шимолий Кореядан (КХДР) ишлаш учун келаётган фуқаролар таркибида ўзгаришлар кузатилмоқда. Агар авваллари ушбу давлатдан келган мигрантларнинг асосий қисмини еркаклар ташкил етган бўлса, ҳозирда уюшган гуруҳлар таркибида аёллар ҳам Россияга меҳнат фаолиятини амалга ошириш учун келмоқда.
Маълумотларга кўра, КХДР фуқаролари Россия компаниялари билан тузилган шартномалар асосида ишламоқда. Шартнома муддати тугагач, улар ўз ватанларига қайтишади, бироқ хоҳишга кўра янги шартнома имзолаш имконияти ҳам мавжуд. Ушбу жараён махсус ташкил етилган гуруҳлар доирасида амалга оширилади.
Авваллари КХДР фуқаролари асосан ўрмон хўжалиги ва саноат корхоналарида меҳнат қилган бўлса, ҳозирда аёллар қишлоқ хўжалиги, умумий овқатланиш ва тикувчилик соҳаларида ишламоқда. Ишчи гуруҳлар таркибида бригадирлар, таржимонлар, шифокорлар ва ошпазлар ҳам фаолият юритади.
Россия Ташқи ишлар вазирлиги раҳбари Сергей Лавров аввалроқ мамлакатда янги ишчи кучига бўлган еҳтиёж мавжудлигини таъкидлаган еди. Шу билан бирга, Россия расмийлари хорижлик фуқаролар томонидан мамлакатда бўлиш қоидаларига риоя етилиши назорат қилинишига алоҳида еътибор қаратилаётганини билдирган.
