Россияда хорижлик ишчиларни ёллаш тартиби устидан назорат кучайтирилди
Россияда хорижлик фуқароларни ишга жалб қилиш тартиби устидан назорат кучайтирилди. Назорат қилувчи органлар компаниялардан хорижлик ходимларни ишга қабул қилиш ҳақида белгиланган тартибда хабардор қилишни талаб қилмоқда. Ҳатто меҳнат шартномаси расмийлаштирилмаган тақдирда ҳам, иш берувчи тегишли органларни хабардор қилиши шарт.
2025-йилда ушбу қоидабузарликлар бўйича суд ишлари сони ўн баробарга ошган. Айниқса, Москва, Санкт-Петербург, Москва ва Ленинград вилоятларида текширувлар фаоллашган. Мутахассисларнинг таъкидлашича, Россия Меҳнат инспексияси, Федерал солиқ хизмати ва прокуратура ўртасидаги маълумотлар алмашинуви ноқонуний ишга жойлашиш ҳолатларини аниқлашни осонлаштирган.
Қоидаларни бузган компанияларга нисбатан катта миқдорда жарималар қўлланилмоқда. Ҳар бир ноқонуний жалб қилинган ходим учун жарима миқдори 400 мингдан 800 минг рублгача, айрим ҳудудларда еса 1 миллион рублгача етиши мумкин. Шунингдек, қонунбузарлик содир етган корхона фаолияти 90 суткагача тўхтатиб қўйилиши мумкин.
Еслатиб ўтамиз, жорий йилнинг июл ойидан бошлаб хорижлик фуқаролар учун молиявий таъминот талаблари ҳам кучайтирилган. Ендиликда мигрантлар ўз даромадларини минтақавий яшаш минимумидан кам бўлмаган даражада тасдиқлашлари талаб етилади.
