Хавфли юқумли касаллик аниқланган мигрант Россиядан депортатсия қилинди
Россия ИИВнинг Новосибирск вилояти бўйича Мигратсия масалалари бошқармаси ходимлари томонидан ўтказилган текширувлар давомида Марказий Осиё давлатларидан бирининг фуқароси аниқланди. Мазкур шахсда атрофидагилар учун хавф туғдирувчи юқумли касаллик мавжудлиги маълум бўлди.
Россия Федератсияси ҳудудида жамоат саломатлигини ҳимоя қилиш мақсадида, Роспотребнадзор бошқармаси томонидан ушбу фуқаронинг мамлакатда бўлиши номақбул деб топилди. Шунга кўра, тегишли қарор қабул қилиниб, хорижий фуқаро Россия ҳудудидан депортатсия қилинди.
Шунингдек, политсия ходимлари томонидан ушбу шахснинг Россия Федератсиясига қайта кириши тақиқланди. Бу каби чоралар мамлакатда епидемиологик хавфсизликни таъминлаш ва аҳоли саломатлигини сақлаш мақсадида амалга оширилади.
Еслатиб ўтамиз, Россия қонунчилигига кўра, хорижий фуқаролар мамлакатда қонуний бўлишлари учун тиббий кўрикдан ўтишлари ва соғлиқни сақлаш талабларига риоя қилишлари шарт. Касаллик аниқланган тақдирда, тегишли идоралар томонидан мажбурий чиқариб юбориш чоралари кўрилиши мумкин.
