Россияга киришга тақиқ борлигини онлайн текшириш тизими ишламаяпти
Россия Ички ишлар вазирлигининг расмий веб-сайтида хорижий фуқароларнинг мамлакатга киришига қўйилган тақиқни текшириш имконини берувчи електрон хизмат вақтинча фаолият кўрсатмаяпти.
Россия ИИВ ҳузуридаги “Паспорт-виза хизмати” (ПВС) маълумотларига кўра, айни дамда хорижликлар ўзларига нисбатан тақиқ мавжудлигини аниқлаш учун махсус “Назорат остидаги шахслар реестри”нинг ишонч телефонига мурожаат қилишлари мумкин. Бунинг учун 8-800-200-52-09 рақамига қўнғироқ қилиш тавсия етилади.
Мутахассислар техник носозликлар бартараф етилгунга қадар ушбу ишонч телефонидан фойдаланишни маслаҳат беришмоқда. Шунингдек, мигрантлар ўзларини қизиқтирган саволлар ва юзага келган муаммолар бўйича тегишли маслаҳатлар олиш учун расмий ахборот каналлари ва чат-ботлар орқали боғланишлари мумкин.
Еслатиб ўтамиз, Россия ҳудудига киришдан олдин тақиқ мавжудлигини текшириш келажакда юзага келиши мумкин бўлган тушунмовчиликларнинг олдини олишга ёрдам беради. Сервис қайта ишга туширилгач, маълумотлар яна аввалги тартибда онлайн тарзда тақдим етилиши кутилмоқда.
