Россияга кириш тақиқланган шахсга чипта олиб бериш жиноий жавобгарликка сабаб бўлиши мумкин

Перм ўлкасининг Чайковский шаҳрида яшовчи аёл ноқонуний мигратсияни ташкил етганликда айбланиб, 3,5 йилга колонияга ҳукм қилинди. Суд қарорига кўра, аёл Россияга кириши беш йил муддатга тақиқланган Беларус фуқаросига поезд чипталарини сотиб олиб берган.

Маълум бўлишича, еркак аввалроқ Россияда ноқонуний бўлиб тургани учун мамлакатдан чиқариб юборилган. Бироқ, у паспортини алмаштириб, қайта кириб келган. Аёл суд жараёнида танишининг кириш тақиқи борлигини билмаганини ва у ўзини ўзи рўйхатдан ўтказади деб ўйлаганини билдирган. Шунга қарамай, суд мазкур важларни етарли емас деб топди.

Ушбу ҳолат мигрантлар ва уларнинг яқинлари учун муҳим огоҳлантиришдир. Россия қонунчилигига кўра, мамлакатга кириши тақиқланган шахсларнинг ноқонуний ҳаракатларига кўмаклашиш, жумладан, уларга транспорт чипталарини харид қилиш ёки яшаш жойи билан таъминлаш «ноқонуний мигратсияни ташкил етиш» деб баҳоланиши мумкин.

Суд ҳукми аёлнинг вояга етмаган фарзанди борлиги сабабли бола 14 ёшга тўлгунга қадар кечиктирилди. Мутахассислар Россияда бўлиб турган фуқароларни ўзларининг ва яқинларининг мигратсия мақомини текшириш ҳамда қонун талабларига қатъий риоя қилишга чақирадилар.