Магаданда сохта тиббий маълумотнома тақдим етган муҳожир қўлга олинди
Магадан шаҳри ички ишлар органлари ходимлари томонидан ўтказилган текширувлар давомида маълум бўлишича, 35 ёшли хорижлик фуқаро жорий йилнинг апрел ойида Ягоднинский мунитсипал округидаги корхоналардан бирига ишга кириш учун сохта тиббий хулосани тақдим етган.
Ушбу ҳолат юзасидан Россия Жиноят кодексининг 327-моддаси 3-қисми билан жиноят иши қўзғатилди. Ҳозирги вақтда сохта ҳужжат ашёвий далил сифатида олиб қўйилган. Қонунчиликка кўра, мазкур турдаги ҳуқуқбузарлик учун бир йилгача озодликдан маҳрум қилиш жазоси назарда тутилган.
Мигрантларга ишга жойлашиш жараёнида барча ҳужжатларнинг қонунийлигига еътибор қаратиш ҳамда расмий тартибда берилган тиббий маълумотномалардан фойдаланиш тавсия етилади. Сохта ҳужжатлардан фойдаланиш жиддий ҳуқуқий оқибатларга, жумладан, жиноий жавобгарликка сабаб бўлиши мумкин.
Ҳуқуқбузарликлар ёки шубҳали ҳолатлар юзасидан Россия ИИВнинг ҳудудий бўлинмаларига 102 ёки 112 рақамлари орқали хабар бериш мумкин. Шунингдек, Магадан вилояти ИИБнинг ишонч телефони ҳамда расмий веб-сайти орқали ҳам тегишли маълумотларни олиш имконияти мавжуд.
