Янги Москвадаги Сахарово миграция марказида полициячига ҳужум қилиниб, ўқотар қуролдан жароҳат етказилди.

Сешанбага ўтар кечаси чет эл фуқароларини вақтинча сақлаш маркази ҳудудида жиддий можаро келиб чиқди. Дастлабки маълумотларга кўра, қўлга олинган мигрант тартибни бузиб, комендантлик гуруҳининг 42 ёшли ҳайдовчисига қаршилик кўрсатган. Тўқнашув давомида ҳужумчи ходимнинг хизмат қуролини тортиб олишга муваффақ бўлган ва ундан ўқ узган.

Ўқотар қуролдан жароҳат олган полиция ходими зудлик билан шифохонага ётқизилди ва ҳозирда шифокорлар назорати остида даволанмоқда. Ҳужум қилган шахс эса воқеа жойининг ўзидаёқ ҳуқуқ-тартибот идоралари томонидан қўлга олинди. Ҳозирда тезкор гуруҳ воқеанинг барча тафсилотлари ва сабабларини аниқлаш бўйича суриштирув ишларини олиб бормоқда.