Ленинград вилоятида 50 дан ортиқ киши политсия текширувига олиб кетилди

Ленинград вилоятининг Всеволожск туманидаги Верхние Оселки қишлоғида ҳуқуқ-тартибот органлари томонидан кенг кўламли рейд ўтказилди. Россия ИИВнинг Санкт-Петербург ва Ленинград вилояти бўйича бош бошқармаси хабарига кўра, оператсия давомида 187 та уй кўздан кечирилиб, 376 нафар фуқаронинг ҳужжатлари текширилган.

Текширув натижасида 51 нафар шахс ИИВ маълумотлар базаси орқали қўшимча текширувдан ўтказиш учун политсия бўлимига олиб кетилган. Улардан уч нафарида Россия ҳудудига кириш ва бўлиш тартибини бузиш ҳолатлари аниқланган бўлиб, ушбу шахсларга нисбатан маъмурий чоралар кўрилган.

Рейд давомида ҳуқуқ-тартибот органлари томонидан бошқа қонунбузарликлар ҳам қайд етилган. Хусусан, 93 та турар жой биносининг коммуникатсия тармоқларига ноқонуний уланганлиги аниқланган ва бу бўйича тегишли ҳужжатлар расмийлаштирилган. Шунингдек, йўл-патрул хизмати ходимлари 215 та автомобилни текшириб, суғурта ҳужжати йўқлиги, ойналарнинг меъёрдан ортиқ қорайтирилгани ва хавфсизлик камаридан фойдаланмаслик каби қоидабузарликлар учун жарималар белгилаган.

Еслатиб ўтамиз, Россияда бўлиб турган хорижий фуқаролар доимо шахсини тасдиқловчи ҳужжатларни ўзлари билан олиб юришлари ҳамда мигратсия қонунчилиги талабларига қатъий риоя қилишлари тавсия етилади.