Россия-Финландия чегарасини ноқонуний кесиб ўтмоқчи бўлган мигрант ҳибсга олинди

Россия Федерал хавфсизлик хизматининг Санкт-Петербург ва Ленинград вилояти бўйича чегара бошқармаси ходимлари Вйборг туманида давлат чегарасини ноқонуний кесиб ўтишга уриниш ҳолатининг олдини олди. Финландия томон йўл олган Марказий Осиё фуқароси чегарачилар томонидан қўлга олинди.

Ушбу ҳолат юзасидан ҳуқуқ-тартибот органлари томонидан жиноят иши қўзғатилган. Суд қарорига кўра, гумонланувчи шахсга нисбатан еҳтиёт чораси сифатида қамоққа олиш тарзидаги жазо тайинланди.

Чегара хизмати вакиллари Россия Федератсияси давлат чегарасини ноқонуний кесиб ўтиш жиддий ҳуқуқбузарлик ҳисобланишини еслатиб ўтди. Россия Жиноят кодексига мувофиқ, бундай ҳаракатлар учун икки йилдан беш йилгача озодликдан маҳрум етиш жазоси назарда тутилган.