Петербургда политсиячига пора таклиф қилган мигрант қўлга олинди
Санкт-Петербургнинг Пушкин туманида 32 ёшли Марказий Осиё фуқароси ҳуқуқ-тартибот органлари томонидан қўлга олинди. Ҳодиса 23-август куни Москва шоссесида содир бўлган. Йўл-патрул хизмати ходимлари текширув учун тўхтатган «Форд» русумли автомобил ҳайдовчисида тегишли ҳайдовчилик гувоҳномаси йўқлиги аниқланган.
Политсия ходимлари маълумотига кўра, қоидабузарликни яшириш мақсадида ҳайдовчи инспекторга пора таклиф қилган. Ходим қонуний жавобгарлик ҳақида огоҳлантирганига қарамай, еркак пул маблағини Маъмурий ҳуқуқбузарликлар тўғрисидаги кодекс китоби ичига солиб, қайта таклиф қилган. Ушбу ҳаракатдан сўнг ҳуқуқ-тартибот ходимлари қоидабузарни ҳибсга олган.
Мазкур ҳолат юзасидан Россия Жиноят кодексининг мансабдор шахсга пора беришга уриниш моддаси бўйича жиноят иши қўзғатилди. Айни пайтда гумонланувчига нисбатан яшаш жойидан кетмаслик тўғрисидаги тилхат еҳтиёт чораси қўлланилган. Тергов ҳаракатлари давом етмоқда.
