Москва метросидаги ножўя хатти-ҳаракат учун мигрант 8 суткага қамалди
Москва метросининг «Рижская» бекатида йўловчи аёлга нисбатан ножўя хатти-ҳаракатлар содир етган еркак қўлга олинди. Ҳодиса 26-июл куни ескалаторда юз берган. Маълумотларга кўра, «Фуд-Сити» улгуржи бозори меҳмонхонасида рўйхатдан ўтган шахс ескалаторда олдинда турган қизга нисбатан шилқимлик қилган.
Жабрланувчи аёл дарҳол политсияга мурожаат қилган. Ҳуқуқ-тартибот органлари томонидан ўтказилган текширув ва кузатув камералари ёзувлари еркакнинг қилмишини тасдиқлаган. Гумонланувчи ўз ҳаракатларини тасодиф деб оқлашга уринган бўлса-да, далиллар унинг айбини исботлаган.
Останкино суди мазкур ҳолат юзасидан қарор чиқарди. Унга кўра, майда безорилик содир етган шахс 8 сутка муддатга маъмурий қамоқ жазосига ҳукм қилинди. Россия қонунчилигига кўра, жамоат жойларида тартибни бузиш ва бошқаларнинг шахсий дахлсизлигига тажовуз қилиш қатъий жавобгарликка сабаб бўлади.
