Россияда ChatGPT хизматидан фойдаланиш чекланди

Россияда ChatGPT сунъий интеллект платформасига кириш чекланди. ОАВ хабарларига кўра, фойдаланувчилар chatgpt.com доменига уланишга уринганда, алоқа сервер билан боғланишдан аввалроқ узилмоқда. Бу ҳолат нафақат веб-сайт, балки худди шу домендан фойдаланувчи мобил илованинг ҳам ишлашини тўхтатиб қўйди.

Аввалроқ OpenAI компанияси Россия ҳудудидаги IP-манзиллар учун хизматдан фойдаланишни чеклаган эди. Эндиликда эса Россия тармоқ провайдерлари даражасида уланишнинг ўзи блокланмоқда. Бу ўзгариш хизматдан фойдаланиб келган фойдаланувчилар, жумладан, иш жараёнида сунъий интеллектдан ёрдамчи восита сифатида фойдаланадиган мигрантлар учун ҳам амалий қийинчиликлар туғдиради.

Мутахассислар ушбу чекловлар техник инфратузилма даражасида амалга оширилаётганини таъкидлашмоқда. Ҳозирги вақтда платформага кириш учун муқобил техник воситалардан фойдаланиш ҳам мураккаблашган.