Фарзандингизни мактабдан чиқариш учун онлайн ариза топшириш тартиби жорий этилди

Ўзбекистонда фарзандини хорижга олиб кетаётган ота-оналар учун мактабдан чиқариш жараёни соддалаштирилди. Эндиликда ушбу хизматдан фойдаланиш учун my.gov.uz портали ёки MyGov мобил иловаси орқали электрон сўровнома тўлдириш кифоя.

Таъкидланишича, юборилган электрон ариза болалар масалалари бўйича туман комиссияси томонидан 5 иш куни давомида кўриб чиқилади. Комиссия қарори қабул қилингандан сўнг, мактаб маъмурияти ўқувчини электрон базадан ўчиради.

Жараён якунлангач, ота-онанинг шахсий кабинетига тегишли хабарнома юборилади. Бу янгилик хорижга кўчиб кетаётган ёки узоқ муддатга сафарга отланаётган оилалар учун ҳужжатларни расмийлаштиришда вақтни тежаш имконини беради.