Россияда сохта рўйхатдан ўтиш: уй егаси жаримага тортилди, мигрантлар еса ҳисобдан чиқарилади
Красноярск шаҳрида яшовчи 1988-йилда туғилган фуқаро 24 нафар хорижликни ўз квартирасига сохта рўйхатдан ўтказгани учун судланди. Тергов маълумотларига кўра, еркак 2025-йилнинг октябр-декабр ойлари давомида Киров туманидаги ўз уйига хорижий фуқароларни ҳақиқатда яшаш жойи билан таъминламасдан туриб, мигратсия ҳисобига қўйган.
Аниқланишича, уй егаси ҳар бир шахсни рўйхатдан ўтказганлик учун 500 рубл миқдорида ҳақ олган. Ҳуқуқ-тартибот органлари томонидан ўтказилган текширув давомида квартирада фақат уй егасининг ўзи яшаши, хорижликлар еса у ерда умуман бўлмагани аниқланган. Натижада ушбу шахс Россия Жиноят кодексининг 322.3-моддаси билан айбдор деб топилиб, 20 минг рубл миқдорида жаримага тортилди.
Мигрантлар учун ушбу ҳолат муҳим оқибатларга ега: сохта рўйхатдан ўтиш фактлари аниқланганда, хорижий фуқароларнинг яшаш жойи бўйича мигратсия ҳисоби бекор қилинади. Бу еса хорижликларнинг Россия ҳудудида қонуний бўлиши билан боғлиқ жиддий муаммоларни келтириб чиқариши ҳамда уларнинг ҳужжатлари билан боғлиқ ҳуқуқий мақомига салбий таъсир кўрсатиши мумкин.
