Мигратсия маркази дам олиш кунлари ҳам ишлайди: ҳужжатларни қандай топшириш мумкин?
Москвадаги мигратсия маркази ўз фаолиятини дам олиш кунларисиз, яъни шанба ва якшанба кунлари ҳам давом еттираётганини маълум қилди. Бу ўзгариш иш билан банд бўлган мигрантларга ҳафтанинг исталган кунида ўз ҳужжатларини тартибга солиш имконини беради.
Дам олиш кунлари марказда патент олиш ёки уни қайта расмийлаштириш, тайёр патентни олиб кетиш, тиббий кўрикдан ўтиш ҳамда имтиҳон топшириш каби хизматлардан фойдаланиш мумкин. Шунингдек, вақтинча яшаш рухсатномаси (РВП), яшаш гувоҳномаси (ВНЖ) ёки фуқаролик учун ҳужжатларни топшириш ҳамда тегишли навбат талонларини олиш имконияти мавжуд.
Патент расмийлаштириш учун ҳужжатларни топшириш соат 08:00 дан 12:00 гача олдиндан ёзилиш асосида амалга оширилади. Шунингдек, патент асосида меҳнат фаолиятини амалга ошириш тўғрисидаги билдиришномаларни ҳам олдиндан ёзилиш орқали топшириш мумкин.
Марказ маъмурияти навбатларда кутиб қолмаслик учун ташрифни куннинг иккинчи ярмига режалаштиришни тавсия қилмоқда. Қўшимча маълумотлар ва хизматлардан фойдаланиш тартиби билан "Амина" иловаси орқали танишиб бориш мумкин.
