Миграция картасининг ташриф мақсадини Россиядан чиқмасдан 'Иш'дан 'Ўқиш'га ўзгартирса бўладими?
Ташриф мақсадини "Иш"дан "Ўқиш"га ўзгартириш учун Россия Федерацияси ҳудудини тарк этиш ва қайта кириб келиш орқали янги миграция картасини расмийлаштириш талаб этилади.
Амалдаги қоидаларга кўра, Россиядан чиқиб кетмасдан туриб ташриф мақсадини фақат "Иш" мақсадига ўзгартириш имконияти мавжуд. Бунда хорижлик фуқаро мамлакатга кириб келганидан сўнг 30 кун ичида патент олиш учун ҳужжат топшириши керак. Ушбу жараёнда базадаги ташриф мақсади автоматик равишда "Иш" мақсадига ўзгартирилади.
Бошқа мақсадларни, хусусан ўқиш ёки бошқа фаолият турларини расмийлаштириш учун белгиланган тартибда давлат чегарасидан ўтиб, янги миграция картасини олиш мажбурий ҳисобланади. Мигрантлар қонунчиликдаги бу фарқни инобатга олган ҳолда ҳужжатларини тўғри расмийлаштиришлари тавсия этилади.
