Россияда мигрантлар учун иш ўринлари камаймоқда
Россия меҳнат бозорида хорижлик ходимларга бўлган талаб пасайишда давом етмоқда. Халқаро кадрлар агентлиги раҳбари Гарри Мурадяннинг маълумотларига кўра, август ойи охирига келиб бўш иш ўринлари сони 18 фоизга камайган. Ушбу тенденсия деярли барча соҳаларни қамраб олган.
Мутахассислар ушбу ўзгаришни иш берувчиларнинг кадрлар сиёсати ўзгаргани билан изоҳламоқда. Ҳозирги кунда компаниялар еркин ёлланувчи ишчилардан кўра, квота тизими орқали жалб қилинадиган ходимларга устунлик бермоқда. Бу тизим орқали келган ходимлар шартнома муддати тугагунига қадар иш берувчини ўзгартира олмайди, бу еса бизнес учун барқарорликни таъминлайди.
Прогнозларга кўра, Россия бозорида иш ўринлари сони қисқаришда давом етади. Шу билан бирга, мигратсия оқимининг таркиби ҳам ўзгармоқда: Марказий Осиё давлатларидан келаётган ишчи кучи ўрнини Ҳиндистон, Филиппин, Шри-Ланка, Бангладеш ва Африка мамлакатларидан визали тартибда келаётган мутахассислар егалламоқда.
Ушбу ҳолат Россияда иш излаётган ёки ишлаётган мигрантлар учун рақобатнинг кучайиши ва иш топиш жараёнининг мураккаблашишини англатади. Иш берувчиларнинг барқарор ва узоқ муддатли шартномаларга бўлган талаби меҳнат бозоридаги мавжуд вакансиялар сонига бевосита таъсир кўрсатмоқда.
